張堅庭引發兒童潛能
導演張堅庭為父多年，一直深明教子道理，對於香港教育制度重於求學只是求分數，張堅庭不敢苟同，因此決定在兒童文化土壤澆水，搞百老匯式英文音樂劇。
張堅庭為兩子一女之父，一直悉心栽培子女成才。他深明任憑子女在學業上就算有卓越成績，但若是高分低能族，恐怕難以在社會上立足。故他會培養子女作多方面發展，引發潛能。
辦英語音樂劇
張堅庭說：「好似大仔鍾意拍戲同有表演欲，細仔就鍾意踢波，咪畀佢哋試吓囉，多幾種技能傍身，對佢哋好有用。」他又一語道破香港教育制度問題：「香港有好多小朋友數理化真係考到好高分，但呢啲只係填鴨式教育，連普通溝通都有問題，做家長嘅要幫佢哋建立自信，所以我就搞一個英語音樂劇，等香港嘅小朋友可以睇到書本上學唔到嘅嘢。」
選角費盡心思
張堅庭為百老匯著名音樂劇《小安妮》選角費盡心思，最終找了年僅九歲、來自澳洲的Sophia Connell飾演小安妮一角。身為該劇榮譽總監的他說：「除咗Sophia外，我哋都搵咗香港嘅小朋友演呢個角色，大家都知道英語係世界語言，今次一個好嘅機會畀台上台下嘅小朋友了解英語世界嘅文化。」
文：專案組