隱藏實力趙碩之慢慢剝
趙碩之前晚與同門師妹Melody結伴出席電影《變種特攻：異能第一戰》首映禮，兩人齊齊封胸示人，趙碩之說：「呢個係攻勢，依家盡量遮一遮，愈近出書就睇多啲，（仲有咩嘢攻勢？）聽公司話要賣吓關子，費事同人撞咗，都唔知賴人定畀人賴。（依家o靚模興口戰，驚唔驚畀人圍攻？）大家做番自己嘢，一人一句咪當做宣傳囉。」身邊的Melody亦大讚師姐身材正，絕對不應該收埋。
石詠莉捽鼻證冇假
同場的還有o靚模Rainbow及齊齊露腿的羽翹和石詠莉，石詠莉笑言：「唔一定要露事業線先靚，大家都知我有身材啦，依家咪咪珍貴咗，要睇吓出咩活動，（咁咪咪好現實喎？）不嬲呢個世界都好現實。」另外，講到面形比之前更見瘦削，鼻子也更挺直，石詠莉說：「我以前最大問題都係面腫啫，全靠睇中醫去腫，再加上針灸，全部都係靠自己，唔係整，我個鼻郁得架！」語畢更即場示範捽鼻。
至於羽翹則透露將於九月推出美容書，因為自己未交得切稿趕不上書展，但亦可以避開o靚模寫真大戰，她說：「本書主要講護膚同化妝，我會親身示範，都會介紹新科技美容，自己都會試吓啲簡單嘅，講到整容就唔敢嘞，太大冒險。」
文：影視組