郭力行向印傭埋手
創作歌手郭力行（Rico）近日受電訊公司賞識，獲機會推出印尼文專輯，向本地廿萬印傭市場「埋手」，他承認是條新財路，印傭好熱情，睇騷會捉住他來錫，Rico說：「試過摸我『嗰度』（下體）。」他指印傭消費能力OK，將來可能會逢周末開騷跟她們見面。
Rico介紹公司計劃力捧的女印傭Nelly，她將在香港及印尼出碟，Rico擔任監製，負責作曲、填詞，他大讚Nelly非常唱得，有如印尼版「村姑蘇珊」。Nelly以唔鹹唔淡的廣東話說：「我細細個有諗過做明星，估唔到依家做到！」她熱愛藝人林峯，大讚他的聲線好聽，更與前僱主一齊睇林峯新劇。