周麗淇兩年計劃搵對手生仔

周麗淇（Niki）日前以嘉賓身份到麥當勞叔叔之家探訪患有癌病的小朋友，並為大會慈善基金義賣慈善獎券拍攝海報及宣傳片，愛心爆棚的Niki除與病童玩遊戲，又開解對方要積極面對病魔，氹得小朋友哈哈大笑。Niki透露每次見到病童都感無奈，但亦令她堅強及大膽起來。

問到會否因接觸太多病童而影響生育的睇法？Niki大方說：「曾經有咁諗過，擔心小朋友健唔健康，加上自己係處女座諗好多嘢。（唔再諗生BB？）要搵到個好對手先得，依家唔諗呢啲嘢住，暫時工作為先，兩年後再作打算。（唔怕做高齡產婦？）唔驚，依家科技昌明，同埋同高齡都仲有段距離。」

隨時爬家姐頭

Niki表示結婚後會努力造人，問到會否退出娛圈？Niki說：「我諗唔會退出，選擇性揀嘢做，一定以屋企為主。」記者笑她隨時爬家姐周汶錡頭，Niki陰陰嘴說：「唔知o架，不過成日都傳佢今年結婚。」她透露助養的小朋友已入讀大學，她說：「真係好開心，雖然佢知我係藝人，但冇因為咁而要求多多，自己一有時間都會飛去探佢哋。」

採訪：音樂組