處男執導MV Tom@Mr.出賣細佬

樂隊Mr.將於下月三及四日舉行演唱會，雖然五子近日閉關綵排，但仍抽空為新歌《兩大無猜》拍攝MV，新歌是由Tom及MJ聯手作曲，Tom說：「呢首歌係講我同細佬，當我同MJ傾開時，好快就擦出火花作咗呢首歌。」他透露為配合歌曲故找來怕醜的細佬擔任男主角，並特別向母校借出場地取景。

首次擔任導演的Tom務求盡善盡美，在拍攝前兩星期已與四位拍檔及細佬開會，Tom的細佬還穿回當年的校服，由於他畢業多年而校服不稱身，引得全場大笑，Tom透露此行勾起不少校園回憶：「見到球場咁多學生打波，當年我都係咁，真係留下唔少汗水。」

好兄弟做白老鼠

Mr.過往的MV均有五子鏡頭，今次卻落在Tom細佬身上，難怪Alan、Ronny、MJ及Dash大叫輕鬆，Dash說：「Tom因為做導演好忙，佢細佬更加唔使講，反而我哋最得閒，係久唔久先喺鏡頭出現。」問到Tom是否過足導演癮？他開心說：「係，未拍時都好擔心，拍完就好開心，希望再有做導演機會，好感激班兄弟做我白老鼠。」

文：音樂組