石詠莉愛情戰績次次慘烈

石詠莉即將單飛推出國語新碟，望可慰勞內地粉絲，屆時將巡迴內地城市做宣傳：「之前首《極樂》喺內地反應幾好，今次隻碟由構思到後期都由自己一手一腳搞，隻碟主要都係圍繞對愛情嘅回憶！」

男人質素下降

提到過往愛情戰績，她以「慘烈」二字來形容，每次非遇上感情騙子就是被人飛：「以前真係好蠢好傻，依家學精咗，冇以前咁執着，明白到付出未必有收穫，對於冇可能嘅感情唔會再苦苦糾纏。」

講到擇偶條件，Sukie認為最緊要錫屋企人，就算要一齊捱窮都冇所謂：「我會搵個佢愛我多過我愛佢嘅人，性格、內心好緊要，啲男仔成日話我哋係『港女』，其實係佢哋自己嘅質素下降緊！」

反串嚇親父母

早前Sukie公開表示若《3D肉蒲團之極樂寶鑑》開拍續集，希望能反串做男角，她笑言報道一出即嚇壞父母：「其實冇話一定拍，屋企人思想較傳統，我離開Freeze後都走冇咁性感嘅路線，自己鍾意若隱若現，唔係真係要露晒事業線！」

攝：黃叔榮

髮型：Patrick@Rever Salon

化妝：Lisa Chan

服裝：SingleLife.DS@利時

文：專案組