Jeana「車震」球出位
將推出寫真集的「血管胸」何佩瑜（Jeana），不但咬住師姐周秀娜唔放，就連同公司亦將推出寫真的余曉彤（Hidy）也不放在眼內，公開祝對方寫真「長賣長有」，更坦言玩過「車震」爭取曝光！
曾矢言「長江後浪推前浪」、擺明跟師姐周秀娜對着幹的33C「血管胸」Jeana，將於七月正式推出在塞班島取景的寫真，Jeana其中一個造型是坐在車頭前大擺誘惑甫士，穿上細碼泳衣的她更大方露出南北半球，十分誘惑。她笑言：「喺架車度擺甫士擺到架車搖吓搖吓，個個笑我係『車震女孩』。（有冇試過玩車震？）有，仲係3P車震，又係玩到漏晒奶！」Jeana解釋有次與兩友人遊車河時車速太快，路途顛簸，連手上的那盒鮮奶也震到漏出。
祝對手「長賣長有」
對於同公司的Hidy也推出寫真，Jeana明顯唔賣帳，更意有所指說：「有時間咪買吓Hidy嗰本嚟揭吓囉，唔使急喎，一定買到o架。（你指Hidy本寫真滯銷？）哈！總之祝佢長賣長有！」
而早前於天靈島取景拍寫真的Hidy，擺明車馬也視玩「車震」的Jeana為對手，拍攝期間在樹屋爬上爬落擺甫士，Hidy笑說：「擒高擒低靠腰力，我已經飲定晒啲補腰湯，就算有人玩到騰騰震都唔怕！（Jeana暗寸你本書長賣長有滯銷？）我唔驚，我只係怕到時佢想要都未必有！」
文：名人組