「D Cup GiGi」跌Watt索女撻Q

「2011香港小姐競選」15位候選佳麗昨日在九龍灣國際展貿中心首度見傳媒，經大會「改頭換面」後，面試時以四眼素顏文員Look娘爆亮相的劉思希（Lisa），突然令人眼前一亮！由烏歪文員躋身端莊索女，實在是醜女大翻身！劉思希說：「可能自己向來都唔識化妝Set頭。」

至於有個「阿凡達鼻」兼笑起來歪嘴的「Wild黃聖依」(15)梁蔚翎（Wyling）以Tube Dress亮相，成功轉移視線「谷胸」跌宕亮相，成為焦點之一。

來港7年的(5)朱晨麗還未正音。

有個樣的(7)胡中慧原來是外「聲」人，有把卡通聲。

開聲殺風景

相對一班「索女組」，中堅分子可謂齊齊「撻Q」，海外佳麗許亦妮雖然有「D Cup GiGi」之稱，但昨日卻突然「胸降」失睇頭，艷光大減！而單以樣貌計獨領群雌的「國產周麗淇」朱晨麗雖然狀態不俗，但一開口卻大殺風景，由蘇州來港已7年的她依然「餘音未了」，似乎首要是加把勁除去鄉音。另外，「高挑楊采妮」(7)胡中慧亦衰在把口，語調如同卡通人物。

(11)劉思希被「改造」後，煥然一新！

(15)梁蔚翎谷胸成功搶盡「峰」頭，令人大開眼界。

五官整5次？

有指朱晨麗嗜煙酒兼男友如走馬燈？她接受訪問表示不喜歡拍散拖，現時有一個拍拖年多的穩定男友，而她亦從來不沾煙酒，曝光的豪飲照片只是純粹擺甫士拍照，亦會加把勁學好廣東話。

另外，許亦妮否認「拜金」報道，她說：「我真唔知佢哋有冇錢喎，就算喺埋一齊都唔知佢哋有冇錢。」不過有讀者爆料指，許亦妮曾整容5次，包括眼、鼻、面部，從照片所見，許亦妮從前的眼睛不夠大，鼻子也不夠挺，跟現在精緻的五官大相逕庭。

文：影視組