嘉亨錢銀無計旅行造人

大美人李嘉欣昨日穿上性感低胸吊帶裙出席Inakaya田舍家爐端燒餐廳及Hive Bar 101開幕禮，她表示向來很愛吃日本菜，她剛從東京旅行回來，她指老公許晉亨很想她可以放低一下，Relax下。

Jayden衫仔解相思

問嘉欣去旅行可會捨得愛兒Jayden Max，她說：「佢（許晉亨）求咗我好耐，我唔捨得Jayden o架，不過今次去咗旅行都好，好開心，好值得。（有無帶埋啲有BB味嘅手巾仔去？）好提議，我聽日飛上海做嘢，想帶埋Jayden啲衫仔去，放喺密實袋度，到時可以聞下佢陣味！（今次旅行會唔會兩個去三個返？）唔會啩，遲啲就唔知。」

由自信建立安全感

嘉欣亦有留意謝霆鋒和張栢芝婚變傳聞，不過她說：「人哋家庭事好難畀意見，我冇資格評論人哋嘅婚姻，亦唔知道報道有幾多成係真。（傳佢哋有婚前協議，你同老公有無？）我本身有自己嘅事業，財政狀況喺婚前婚後都好滿意。（你哋係咪財政獨立？）大家有共同目標，唔會特別計較，我哋之間無乜點講呢個話題。（你收入多過老公？）我都想，或者下一世會。（資產愈多安全感愈大？）安全感唔係一啲資產可以畀到，唔係資產可以建立。我嘅安全感係來自自己內在嘅信心，欣賞自己同肯定自己，唔係來自工作同擁有幾多嘢，唔係由外界輔助，安全感同物質無關。」她又透露跟亨亨很少吵架，兩人都會互相遷就，但就承認丈夫遷就她較多。

文：名人組