琦琦囡囡畫畫當Relax
琦琦與MC Jin昨日出席「童愛藝術@海港城」活動，二人更即場表演畫畫。琦琦透露現年六歲的女兒不時在家中畫畫當Relax，而女兒琴棋書畫皆能，就多得老公任達華，她透露任達華為囡囡而特別抽時間學彈琴，仲教囡囡畫畫、影相，那是否廿四孝老竇？「唔係，係四十八孝！（囡囡有冇送畫？）有，母親節、新年都有。」
MC Jin在美國結婚，婚後四個月已想做爸爸？他說：「我都好想生仔，不過順其自然啦！」不過問到他是否不設防？他就擔心被外父鬧所以不想答，他說：「唔想畀外父睇到報道話我衰仔！我都要尊重我太太，唔講！」但就暗示：「我都話我想有小朋友！」
