陳嘉桓笠高帽報欣
鍾嘉欣昨日出席代言之美容院開幕活動，適逢出道至今均被指有其影子的陳嘉桓任嘉賓，加上兩人先後和林峯傳緋聞，立即成焦點所在，對此嘉欣表現大方，直言：「人哋話我哋兩個好似樣，我都係今日先見佢真人，兩個人有唔同感覺。（你哋兩個都同林峯傳過緋聞喎？）係呀！都想同佢傾吓偈，佢好sweet、好高、仲高過我呀。」
大讚喊得靚
至於陳嘉桓亦落落大方，直認曾聽過不少人指她們似樣，問到林峯有否說過兩人似？她說：「你哋要問番佢，我都聯絡唔到佢，其實我都好鍾意鍾嘉欣，鍾意睇佢做戲，喊得好真又喊得好靚。（大家都同林峯傳過緋聞，會唔會尷尬？）唔會，同咩人都唔會尷尬。」
而鍾嘉欣比起歷年代言人打扮較為保守，她表示沒有主動要求密實，更坦言自己絕對接受到穿三點式拍廣告，只要效果靚及有老闆邀請，一定可以考慮。
另外，雖然近日有報道指嘉欣和伍允龍戀情告急，但有網友踢爆不時目睹兩人齊齊於西九龍宇晴軒出入，直言兩人拍拖不是近日的事，亦有網友撐兩人相戀是正常事。但當事人鍾嘉欣至截稿前未對事件作出回應。
文：影視組