陳豪筍盤打5折

阿Mo、楊怡、朱慧敏、樂瞳等昨日為劇集《點解阿Sir係阿Sir》舉行祝捷會，被網友激讚的「Miss Koo」鍾嘉欣因工作在身，僅透過視像通話與眾演員分享喜悅。楊怡前晚突然發燒，為免影響新劇《回到三國》拍攝進度，未有請假抱恙現身。

拉啡燙親楊怡

泡咖啡有一手的阿Mo花幾小時烤焙炭燒咖啡，拿住兩壺咖啡姍姍來遲「萬歲」，他表演「拉啡」時又濺中楊怡，燙得她呱呱叫，他說：「自己磨豆，沖好多次，最衰唔夠時間，唔係就買甜品嚟配襯。」他未有兌現收視高穿泳褲的承諾，笑言已為拍檔準備好，不過眾人不肯就範。

一眾演員為劇集收視報捷舉杯慶功。

樂瞳、朱敏瀚有機會演新劇梗係拍晒手啦。

對觀眾認為結局應該阿Mo與鍾嘉欣一起，他說是劇情所需：「日前喺電梯碰到一對夫婦，佢哋對劇情意見不一，好搞笑，不過都開心，證明觀眾投入，當我係衰人係好事，咁都冇破壞到形象。（仲係筍盤？）半筍啦希望。」

監製劉家豪滿意收視，有意開拍新劇由大受歡迎的K4孭飛。有觀眾投訴吳卓羲演的警察戲份少，他認為不在乎戲份多少，在乎角色出唔出，他亦睇好嘉欣攞視后，但一切言之尚早。

文：影視組