林峯祖藍Chok不相讓

Chok王林峯前晚出席《華麗明星賽爭華鬥麗星中星》錄影，與黃宗澤、王祖藍、阮兆祥、李思捷、森美及Mandy Lieu等齊齊亮相，甫開場林峯即成焦點，被蔡一智邀「Chok嚟睇吓！」他即不經意地Chok一Chok，全場馬上笑爆，其後蔡一智忍不住要求他「Chok多Chok」，結果身邊的祖藍技癢，邀林峯齊齊Chok，兩人雙劍合璧，Chok得相當合拍，全場再次哄堂大笑。而祖藍亦搞笑地說：「見到林峯Chok我震咗震，睇唔到佢個樣已feel到。」

及至Chok爆的「甫士王」環節，林峯只顧跳勁舞，結果失落最高分數，但仍獲蔡一智大讚：「唔使睇佢個樣，手指尾都識得Chok。」期間森美亦不甘落後大Chok一字馬，並搞笑地向觀眾說自己已生了兩個小朋友，不用擔心爆蛋。

王祖藍和林峯雙劍合璧齊齊Chok。

Mandy Lieu以大露背裝上陣，坦言如着得靚不介意性感。

緋聞當宣傳

攞正牌Chok足成晚的林峯坦言：「都係自然發揮！」至於最近與唐嫣傳緋聞，他說：「好好笑，當係幫電視劇宣傳，我同佢冇聯絡，又冇佢電話。」而同場的Mandy Lieu以低胸大露背示人，坦言只要穿得靚不介意性感。問到有指她交上老外男友，Mandy直言感情事順其自然。

文：影視組