謝賢扯火轟查小欣多事

查小欣於電台節目內大爆謝霆鋒與張栢芝婚變的內幕，不但指女方「榨乾丈夫身家」，甚至對霆鋒打算送給謝賢的千萬豪宅亦不放過，成為彼此感情決裂的導火線之一。記者昨午與謝賢取得聯絡，他對查小欣的言談顯得頗為激動：「佢有咩資格講嘢呀？我見到佢要大鬧佢，話晒人哋嘅家事，我都唔知佢點知？（霆鋒同栢芝依家關係點？）小事啫，唔知點解愈『撩』愈大，邊對夫婦唔鬧交呀？」語畢即匆匆收線。