陳細潔變身鯊魚俠扶貧
「紫荊女俠」仗義扶貧感動全城，不過女俠身份成謎，因此Ball場上一眾身材出眾的名媛均變成嫌疑人物。疑似女俠的陳細潔昨日現身，並坦言自己身材唔夠女俠勁，但就考慮變性扮男人加入扶貧行列！
Ball場界的「鯊魚姊妹花」劉陳小寶與陳細潔，昨日出席旗下的護膚品牌雪肌蘭「雪亮眼睛」活動，為保良局更多的長者提供免費全面驗眼服務。而愛心爆棚的陳細潔對於被指是紫荊女俠？她說：「真係似我咩！不過嗰個都唔係我，人哋身材靚啲，不過有呢啲都幾好，可以幫助有需要嘅人，又令社會氣氛好啲。」問她會否以第二個形象加入？她說：「都係好主意，可以諗吓！不過佢身材咁好，我要扮都要女扮男先得！可以以鯊魚俠身份，着鯊魚戰衣出動，不過要係Happy鯊魚俠！」
龐老太派米十幾年
陳細潔表示自己幫助的對象將會是老弱傷殘及智障人士，至於外間盛傳「紫荊女俠」是萬寶寶？她說：「雖然佢身材好，但佢嘅膚色唔似，而且亦唔似佢性格，佢好鬼、又好西化。」此外，亦有指女俠可能是羅姓名媛？她說：「佢？不過佢應該會帶埋啲狗！」
問到同場的龐盧淑燕，紫荊俠會否是她的兩名新抱？她說：「唔會啦，佢哋好忙，我十幾年前開始去派米，但就冇公開同人講，我去派米，佢哋都有派毛氈、利是同麵。」
胡敏珊對女俠好奇
此外，胡敏珊昨日出席活動時，亦對女俠身份感興趣，她說：「全港人同我一樣咁好奇。」她更認為頭三號嫌疑人物當中，陳細潔是女俠的機會較大，她說：「陳細潔比較大膽，可能性最高。」而對於女俠行為，她就大讚有創意。
文：名人組