HotCha增員唔怕收入分薄

組合HotCha昨日到校園宣傳基本法，三人坦言入行後才接觸基本法：「同溫書考試唔同，依家我哋要了解咗再傳達畀學生。（傳達咩？）基本權利。」提到將被公司二少薛嘉麟斥資七位數力捧，再配合增員計劃，她們說：「都有開會傾緊，（加男定女？）我哋想加男仔，因為公司全部都係女仔！但係應該都係加女仔，（唔怕收入分薄？）唔怕，因為會為fans帶嚟新鮮感，可能反而多咗人搵我哋拍廣告呢！」她們自言日後可以做師姐，到時也可能會親自做評判選秀。