米雪推廣文化藝術

米雪與《小明上廣州》作曲家韋然昨出席活動，米雪指自己成立了一間推廣文化藝術的公司，該公司已開了一年多，業務廣泛，詩詞歌賦都會涉獵到，至於會否投資拍電視、電影？米雪則表示：「大前提係一啲創意藝術同插畫，好似韋然作曲嘅《小明上廣州》咁，我哋遲啲都會推出一啲產品，好似小明嘅漫畫、動畫，以及一啲有關小明嘅副產品，預備喺書展推出。」

成立一間公司又要兼顧演藝事業，應該相當困身，米雪則表示不覺得，因自己平時都已經忙慣，加上有超過一百人搞新公司，所以不會太辛苦。