高海寧減肥索爆縮胸照贏
高海寧、呂慧儀、李依琳、劉莉等，昨日穿上比堅尼行泳衣騷，高海寧以Fit爆身材示人，獲全場讚好，相反呂慧儀近日因做飲食節目狂食至體重129磅，行騷時現出一個豪華臀，慘不忍睹！
高海寧昨日為又一城舉行的「my swim, my speedo」泳裝騷行騷，坦言自己近日因減肥才如此Fit，慶幸大會為自己的泳衣一改再改才令到自己不致因泳衣鬆身走光，問到她減肥後上圍有否縮水？她說：「一定會，自然現象，但唔使換Bra，最緊要身材均勻，我依家夠用就得！」對於自己是四女中身形最索一位，她就謙虛地指各有各靚，她更為呂慧儀的豪華臀抱不平，她說：「佢拍飲食節目，我以前拍仲肥！」
拍飲食節目繼續肥
而呂慧儀就坦言自己因拍飲食節目勁肥，如今有129磅，不過公司已通知飲食節目會加碼，所以自己仍有機會繼續肥，她認為高海寧減肥全因唔食嘢，而自己減肥絕不會效法對方，她說：「我今日好腫，因為感冒！」雖然現在身形麻麻，但她就自爆有計劃出寫真留倩影，有指她出寫真唔着衫先有人睇？她說：「唔着衫我接受唔到！健康性感就可以。」她稱出寫真是自己想法，仍未通知公司，而自己就不擔心內地女藝人爭出寫真具威脅，她說：「我唔擔心，我都係中國人！」
此外，名人之後「扒女」李依琳就更加失色，因身形矮小加上比堅尼唔啱Size，導致下體幾乎現形。
文：名人組