泳兒及鍾舒漫昨日現身荃灣愉景新城，為《超級巨聲3》首輪面試擔任評判，二人皆不相信謝霆鋒與張栢芝婚姻亮紅燈的傳聞。泳兒對於有指栢芝忽然搬開住說：「霆鋒一向都好撐栢芝，好愛栢芝。（傳二人冷戰？）霆鋒不嬲都好man，我諗搬開住應該係咁啱啫！」
鍾舒漫則說：「我唔信佢哋婚姻亮紅燈，霆鋒向來都係一個有風度嘅人。」
