四哥撐栢芝：謝家之光
謝霆鋒與張栢芝「情變」炒熱全城，原來栢芝一直深得老爺謝賢歡心，更公開力撐她為「謝家之光」，對於「鋒芝」成為新聞人物，他發老脾鬧人，指兩公婆邊會話唔鬧交。
霆鋒與栢芝繼續各自開工高唱「分飛燕」，未有正面回應冷戰一事，謝賢（四哥）日前與苗僑偉、黃日華等現身公開活動時，即被記者包圍追訪，他開腔力挺兒媳，又指與對方相當有緣﹕「有哪個女演員一結婚就生兒子？我還以為等上了天才知道自己有孫子，所以我很疼她，他們開始談戀愛我就很喜歡，是一種緣分吧。」
受影響扯火
談到近日兒子與媳婦受冷戰新聞所累，四哥不諱言﹕「不要相信，（鋒芝）情緒肯定受影響會生氣，但栢芝是敢作敢為的女英雄，是我們謝家的光榮。」記者昨日再致電四哥，提起傳言他依然激動﹕「大家自己分析吓。（唔好咁勞氣啦。）怕咩呀？我冇形象嘅，講真邊個話兩公婆唔會鬧交呀？你父母都會啦，結咗婚都會嘈o架。（話你哋冇為栢芝慶生日？）係冇呀，我哋都唔重視節日嘅。」
霆鋒執千萬
而栢芝經理人周小姐昨日繼續「失蹤」，未有就四哥力撐作出回應。至於霆鋒則積極吸金，宣布夥拍同門鍾舒漫，以千萬酬金為內地護膚品牌擔任代言人，更租用上海F1賽車場為發布會儀式舉行場地，安排霆鋒即場抽出三位幸運兒，每人送上一部平治新車，可謂相當大手筆。
文﹕影視組