嘉穎杏兒反轉深水埗宣傳腰斬
鄭嘉穎、胡杏兒、陳敏之等昨日現身深水埗宣傳新劇，吸引大批市民圍觀，令一眾演員寸步難行，場面混亂，結果活動被迫腰斬，劇中演員林子善手拿大聲公落力宣傳，期間因談及「一樓一」被街坊大罵他教壞細路，認真慘情！
《怒火街頭》的演員昨齊集深水埗晒冷宣傳，坐開篷巴士沿該區巡迴兜圈向街坊sell劇，當中最出力的林子善連營業中的店舖也不放過。
街坊鬧教壞細路
期間林子善談及「一樓一」三字引起一名與妻兒同行的男街坊不滿，直斥他教壞細路。杏兒力撐子善只是在宣傳劇情，相信只是誤會。及後大隊移師某商場前派發宣傳單張，引來大批街坊、龍友及粉絲圍觀，擠得水洩不通，眾演員寸步難行，結果本安排街坊在演員身上的彩帶簽名環節被迫取消，活動因而腰斬，嘉穎及杏兒更汗流浹背，但對活動反應好感高興。
率先爆有露股戲
杏兒踢爆嘉穎在劇集開首已有露股戲份，問嘉穎事前可有操練？他笑謂唔識操：「冇操呀，不過露嘅位置唔係好多，都係配合角色啫。（收視好會唔會露多啲？）留番畀杏兒啦。」對於有指無綫為力抗同行對手，有意找佘詩曼、周麗淇、嘉穎等緋聞男女在節目巡禮造勢冧廣告客戶吸金，嘉穎與杏兒均表示不知情，嘉穎說：「未必係策略嚟嘅，吸金呢啲嘢見仁見智。（介唔介意同佘、淇一齊？）我都唔知情況係點，安排到先講，搵錢冇所謂，可以諗，睇錢啦！（尷尬？）冇咩好尷尬，識o架嘛！會say hi，又唔係第一日做，成日都有機會撞到。」杏兒亦笑指不介意與徐子珊及黃宗澤齊齊亮相。
早前被本報拍到覓得新歡的滕麗名，指雙方只是朋友，並堅持仍是單身：「順其自然啦，我唔想成日講住同邊個拍拖，總之依家生活愉快啦！」
文：影視組