梁洛施現身避談家事：食飯啦！

昨晚約九時，久未露面的Isabella與母親、師傅詹瑞文和好友模特兒蔣怡於西貢的印度餐廳進餐，身穿白色背心化淡妝的Isabella身材甚弗，精神飽滿。同枱八至九人，眾人言談甚歡，不時開心舉杯祝酒，席上放滿食物飲品，包括白酒、雞尾酒、薄餅和印度炒飯。Isabella與詹瑞文並肩而坐，經常咬耳仔，表現興奮。記者上前訪問Isabella返港目的，她笑着大方回應：「今次返嚟食飯。（有無帶囝囝返嚟？留港幾耐？）係啦，食飯，食飯啦！（你依家嘅感情生活？）食飯啦，食飯啦！」詹瑞文和同枱其他好友亦先後搭嘴：「畀我哋食飯，食飯先啦！」眾人約於十時離開，一行離開時分三部車駛往西貢一幢獨立屋，之後記者發現蔣怡與傭人在廚房洗提子，估計是招呼Isabella。

黃秋生：佢約過我

曾經爆Isabella會帶三名兒子返港探親的黃秋生，對於Isabella昨現身香港，他說：「我依家唔喺香港，其實之前佢有約過我，但因為我唔喺香港而告吹。（佢係咪帶埋三個仔返嚟見家人？）我哋冇傾呢啲嘢。」

梁洛施與母親相約了詹瑞文（左）及蔣怡（右）等一班親友，到西貢吃印度菜。	共育三子的李澤楷與梁洛施，年初宣布分手。	梁洛施相約師傅詹瑞文吃飯。
梁洛施飯後往了一間別墅。