苟芸慧認戀「港男」：鍾意佢蠢
無綫新一代高貴咪神苟芸慧來港發展兩年，被一眾宅男虎視眈眈，但原來已秘密跟「港男」羅天宇拍拖數月，譜出姐弟戀，苟姑娘坦言愛情是盲目的，而且「鍾意佢蠢」。
苟芸慧是羅天宇媽咪的契女，兩家人是世交，二人同是基督徒，加上苟姑娘獨自留港發展，一顆寂寞的心終被羅天宇打動，數月前發展相差四年的姊弟戀。
日前二人在西貢約會，苟姑娘被拍得遭男友在耳邊偷吻，因而戀情曝光，同時又被指經常到男友家中過夜。
「佢好識照顧我」
苟姑娘昨承認戀情：「我哋剛開始，未好穩定，但既然曝咗光就有勇氣面對，（公司有壓力？）公司之前都知，有傾過，依家曝光，公司今晚會再同我傾。」苟姑娘坦言回港發展後得羅家照顧，跟羅天宇接觸多了，感覺猶如一家人，漸生好感。問到喜歡羅天宇甚麼，她笑言：「鍾意佢蠢囉！不過佢都係咁話我！佢個人好細心，好識照顧我，心地好，人又簡單。」
拍拖有助演戲
苟姑娘坦言亦有其他追求者，但始終未能打動她，苟姑娘說：「覺得驚，不過同佢一齊就好舒服，（唔介意姊弟戀？）以前係一定唔會接受，但愛情係盲目，嚟到就控制唔到自己。」
苟姑娘雖然正在熱戀中，但卻不擔心會影響工作，她說：「對做戲反而有幫助喎！因為個人感性咗。」
至於有說她曾到羅天宇將軍澳區寓所過夜，苟姑娘否認其事，並謂現正準備搬屋，原來契媽留一房給她暫住，她為免被誤會亦已婉拒。
文：影視組