陳法拉無懼被取代
王祖藍、陳法拉等前晚為節目《吹水同學會》作嘉賓，談論有關香港女生大部分都比男生叻的現象。問到男友計數能力如何時，法拉說：「佢計數叻，我就煮嘢叻。（佢氹你叻唔叻？）一般，佢唔識口花花，老實，冇咩花臣。」對於有傳《公主駕到２》將以徐子珊代替她，她就透露未知有關報道並謂：「角色轉變成日都有。（唔開心？）唔關事，角色唔同，故事都唔同。」
另外，王祖藍就坦言女友李亞男多方面都比自己優秀，他說：「佢比我有耐性，細心，又高又靚。（你有咩叻過佢？）講嘢快啲，佢都會問我拍戲同主持嘅意見。」他又表示自己因女友的影響而變得不再暴躁，提到女友娶得過時，他說：「我嫁唔過嘛，要事業有成買到樓先啦，同唔到人交代呀。」