Lisa S.努力不懈
李嘉欣一擊即中為夫家誕下慈姑椗小JM，小JM精靈可愛，難怪出席百日宴的吳君如見到都口水流，自言也心思思想追多個。不過昨日君如接受電話訪問時卻改變口風，笑指當日只是說笑：「我依家手頭上工作好忙，之後都仲有嘢做，所以生育計劃暫時都唔可以實行住啦。」
混血名模Lisa S.與吳彥祖（Daniel）婚後也恨生仔恨到出口，Lisa說：「Daniel覺得生仔放心啲，生女始終危險會擔心，我哋一路努力中，不過Daniel又要返大陸拍戲，一有時間就會努力。（想生幾多個？）試吓一個先，生完再決定。」
同樣恨生B的楊千嬅，為求生B，先做健康媽咪，近日看中醫調理身體，但認為生仔生女都冇問題。不過婚後被老公催生BB的關心妍卻恨生女，她說：「有人建議我食多啲補血及高鐵質嘅食品，好似燉紅棗龍眼肉雞湯和食多啲紅肉，如果畀我揀，我想生女，女錫屋企人，又細心。」已育有一女的名模琦琦亦表示有女萬事足，生一個優秀的孩子已足夠，無意再追仔：「我同老公和屋企人都鍾意女，如果第一胎生仔嘅話都想追個女，女係乖啲又孝順，玩吓人哋嘅仔就算。」
