Tom Ford合照出術睇高一線
國際時裝大師Tom Ford為自己品牌開店而展開亞洲之旅，繼北京和上海之後，終於輪到尾站香港。Tom Ford來港吸引大批時裝迷朝聖，而他亦表現友善，與身材高人一等的名模琦琦合照時，笑言自己要站前方，視覺效果令自己高一點，盡顯大師幽默風趣一面。
大前日來港的Tom Ford，前晚為自己品牌香港旗艦店開幕助陣，派對後隨即乘機返回歐洲，結束亞洲行。前晚出席的嘉賓包括有琦琦、馬詩慧、Lisa S.、名媛潘楚穎、何超儀和Moiselle太子爺陳柏熹等，蘇永康剛落機即趕來朝聖。
Tom Ford大讚香港人穿衣好看，現場點名讚馬詩慧和何超儀裝扮最棒，又說香港人握手好用力，令他感覺受尊重。
有指他一向不喜歡跟人用手機玩自拍，但現場見王賢誌和李桂蘭拿出手機跟他自拍時，他沒有抗拒，而他與嘉賓合照，均由夏永康及團隊操刀。
琦琦四件開心事
與Tom Ford有兩面之緣的琦琦事後說：「佢記性好好，第一次見佢係幫Gucci行騷，佢竟然記得我，話我冇變仲好靚。我覺得佢好靚仔，好有才華，好紳士。同佢影合照時，佢話驚矮過我，話要企前啲啲，咁至會影得佢高啲，佢會同你傾偈，好開心。」她續說：「我啱啱中咗六合彩，買咗40蚊，贏咗1,600蚊，人生第一次中獎，即刻分晒畀屋企人，自己剩番兩蚊；老公（任達華）又啱啱返咗嚟；阿女數學考試又滿分，加埋見到Tom Ford，四件開心事。」
陳柏熹擺明偷師
而陳柏熹透露此行希望能向對方偷師，他說：「今次第二次見佢，覺得佢好友善，自己都係做時裝，所以專登嚟偷師，佢唔止做時裝，拍電影又得，佢見到我讚我嘅髮型好睇，大家仲一齊傾吓髮型問題。」
文：名人組