周麗淇豪買十萬血燕補身

無綫當家花旦佘詩曼決定離巢北上搵人仔，有傳她以1500萬人民幣全套包薪，令旁人流晒口水，身為其過氣情敵的周麗淇（Niki）雖然與無綫友好兼是金牌監製李添勝的御用女主角，但她為怕困身，亦鐵定不做親生女！不簽無綫做經理人的Niki與阿佘視線一致，去年她在內地拍攝的劇集《書劍恩仇錄》有收視有口碑，不少內地製片商對她虎視眈眈，現已有多份劇本在手的她只差揮筆簽約。

進軍內地賺人仔在望，心情大靚的Niki瘋狂Shopping先使未來錢，日前她以富貴Look到銅鑼灣的燕窩專門店，一口氣狂掃十多萬元貴價血燕自用及送畀媽咪，找數時面不改容！

電話不離手的Niki日前心情大靚去「濕平」。	Niki到名店購物時唔使睇價錢，30分鐘便滿載而歸。	放大圖片

碌卡唔問價

翌日，她又到九龍站鄰近的名店購物，專攻手袋衣飾的她不用半個鐘已挽着幾袋戰利品離開，單單一個手袋已超過五萬蚊，其後她在家品店買高級浴室用品時更唔睇價錢就碌卡，豪氣非常！記者其後致電Niki，問到是否會北上發展？她說：「大陸咁大個市場，都想試吓去闖一闖，不過依家乜嘢都未落實，遲啲有消息再話你知啦！」

文：專案組