戒不掉的？人人有份！Baby博上癮

吸毒take嘢會令人上癮，係人都知要say NO！但原來每個人或多或少都有些特殊癖好，有人上網成癮、有人有食癮，如近日成為派對風頭躉的中國小姐冠軍趙哲妤，愛吃生蠔上癮無法搣甩，衞蘭則愛跟神講話，唔祈禱唔安樂！

我有打機癮和上微博癮，所以一日到黑都拎住部iPhone，直頭機不離手，成日要用好多電，所以助手每日都會準備定幾個輔助充電畀我用。

每日一定要飲一杯綠茶LATTE，呢個習慣已經有兩年，日日都要去Coffee Shop飲番杯，有時要司機專登開車去買，會覺得唔係幾好意思，自己都試過學整，味道尚算OK，但水準始終差啲。

我每日一定要飲一杯奶茶，可能我有一半英國人嘅血統，英國人都習慣每日有tea time，自己都受到感染。

我上網都幾上癮，已經係我每日都會做嘅事，但一日又唔係上好耐，最多畀自己兩個鐘。反而我就唔畀小朋友上咁多網。

我最鍾意係揼骨，有排揼上癮，一揼就兩個鐘，不過工作有時好忙，唔係成日得閒揼。如果工作太忙無時間，都可以慢慢戒。

我每日一定會祈禱！我會向神講好多嘢，有時睇到啲新聞覺得唔安樂，又或者會講啲私人嘢。佢嘅存在令我覺得好有能量！

最近上咗微博癮！唔單止搵番多年冇聯絡嘅朋友，寫少少嘢上去會有好多人回覆，我鍾意啲有回應嘅嘢，好開心！

我食朱古力食上癮，食朱古力令人好開心，心情唔好時食，會開心番，你問我戒唔戒得甩應該好難，我真係好鍾意食甜嘢。

我呢兩年食生蠔食上癮，真係好好食，鍾意食係冇得解，上星期先食完，暫時都係戒唔到！