李思欣好sing好氣奪標
無綫藝員李思欣自小家教甚嚴，中學時期她就讀名校庇理羅士女子中學，性格文靜的她一放學即回家，甚少與同學仔行街睇戲及參加課外活動，故思欣自嘲校園生活十分沉悶，她說︰「通常我放學就返屋企，就算出街都會八點前返到屋企。因為自己喺學校偏靜，加上學校讀書好嚴謹，好重視學生嘅學業，所以好少參加課外活動，其他女仔鍾意打排球，不過我就冇打，只係坐埋一邊睇人打。」
不過思欣卻是唱歌高手，曾是校內合唱團成員之一，更替學校在歌唱比賽中奪冠，她說︰「中三嗰年參加學校合唱團，好開心喺比賽拎到冠軍，不過lunch要練歌都幾辛苦。」
驚水體育攞A
好靜的思欣最怕游水，但中一時規定每星期一堂游泳課，思欣當時大叫辛苦，她說︰「我冇乜參加校內運動，不過學校每個學期都要我哋學游水、網球之類，我好記得中一上游水堂，因為我好驚水，驚到喊，好在個Miss對我好好，扶住我游，最後嗰年體育仲攞到A添。」
港島名校 淳樸見稱
庇理羅士女子中學是英文中學，屬港島區名校之一，校風淳樸，校訓是「登高見博」，即希望學生力爭上游，抱處事積極的態度，而該校亦出產不少星級學生，黃夏蕙、羅明珠、盧敏儀等人亦是該校的畢業生。