狄易達最愛奶茶雞髀
狄易達平日工作忙碌，夜晚又要勤力練舞，要搵地方醫肚實不容易，他坦言茶餐廳是不二之選：「有時練舞練到好夜，周圍啲餐廳都閂晒門，但總有一、兩間茶餐廳未收。呢間華星冰室有好多歌手朋友都會嚟，大家食嘢之餘，仲好似一個聚腳點咁，大家見到面會傾吓偈。」
達仔坦言最愛歎茶餐廳的熱奶茶：「原來一杯熱奶茶並唔係咁簡單，有啲地方真係好求其，太多奶或者太多茶都唔好。另外，我最鍾意食係炸雞髀，最勁嘅炸雞髀係脆卜卜，但係又冇油饐味。」
達仔指近年有不少新潮的茶餐廳大玩fusion，但他喜歡最原始的茶餐廳美食：「要喺最基本嘅嘢食做到好出色，咁先係真正成功！」
