陳敏之擔心山聰失蹤
陳敏之（圖）昨日為節目《新派煮意》錄影，笑言自己向來少入廚，只是「識食」，不過大時大節時，都會煎牛扒給家人品嘗。敏之說：「我煮嘢都OK！遺傳咗媽咪啲好嘢，朋友食過都會讚，其實我覺得用料最緊要新鮮，簡簡單單就可以。」敏之自言最拿手炮製蠔油炆雞翼，問她平時有否親自煲湯，她謂：「都識！擺晒啲嘢落去啫！不過始終都係媽咪煲嗰啲好飲啲。」
提到契哥陳山聰，敏之表示找不到對方，亦很掛念他，她表示：「都擔心佢，不過打親畀佢都係留言，有時都會諗究竟佢做緊乜？都兩個月冇見，佢咁耐唔打電話返嚟，係唔係有事呢？平時睇到啲報道，又唔知係咪真，希望佢平安。」敏之表示有傳短訊給山聰，惜對方都沒有回覆。