林峯挾諸葛亮惡鬥陳豪
林峯早前受「峯霜戀」的蜜照事件傷害，無綫想盡辦法保護這棵「搖錢樹」，最佳辦法，莫過於在他身上蓋滿「獎章」，所以為他鋪好條得獎路。據知林峯的《花花世界花家姐》及陳豪的《點解阿Sir係阿Sir》這兩部重頭劇，原欲安排在暑假播映，吸引更多學生觀眾會有好收視，同時亦可力谷二人爭視帝，可惜因第一季的劇集收視只屬一般，故特意提前播出爭取好收視。
鄭嘉穎輸形勢
二人的劇集提早播映，對十一月的視帝選情幾乎變得沒影響力，幸好林峯還有另一重頭劇《回到三國》，而陳豪亦有演技備受讚賞的《心戰》迎戰，到選視帝前夕時還可再度拉成均勢。至於其他對手，在《怒火街頭》中有好表現的鄭嘉穎本有力一爭，但因劇集稍後便播出，手頭上又冇存貨，形勢上比兩大勁敵較為輸蝕。
談到「視帝之路」，林峯坦言：「冇諗過，拍劇都係做好本分，唔係爭視帝，（有兩個劇更有信心？）幾時都要對自己有信心啦，（七月有演唱會，喺人氣上有着數？）唔關事，都係一樣做好手頭上嘅工作。」雖然林峯不在意視帝，但他承認很喜歡正在拍攝中《回到三國》諸葛亮一角，尤其是歷史人物令他容易揣摩，亦覺得自己做得不錯。
做好自己本分
至於林峯的勁敵陳豪，亦坦言沒想到那麼遠的事：「都係做好自己嘅嘢啦，（林峯有演唱會keep人氣有優勢？）我覺得劇集還劇集，最緊要睇劇集、角色好唔好，演出效果突唔突出，（有信心？）不嬲唔理呢啲嘢，理嘅就唔係陳豪啦！」
文：影視組