湯盈盈讚嘉樂靚仔有緋聞
湯盈盈與錢嘉樂雖無正式承認拍拖，但已是公認的一對，對於男友在吉隆坡被拍得與女伴同遊，盈盈輕鬆應對，笑指嘉樂靚仔自然有緋聞，對自己及男友都充滿信心。
盈盈與明珠台《港生活．港享受》的主持包括宋熙年、李雪瑩、蘇頌輝、郭田葰等，齊齊歡迎三位新主持加入，並由信和集團商場推廣總經理蘇蔡潔蓮的兒子蘇頌輝及宋熙年擔任記者會司儀。
唔似拖手似摸籮
由於盈盈的男友錢嘉樂日前在吉隆坡拍電影時，被拍得與女伴出入，有疑似拖手照片，被指瞞住拍拖四年的女友盈盈「鬼馬」，被問及此事時，盈盈淡定說：「我有睇報道，（有冇問佢？）佢拍戲好忙，自己又要拍劇，恭喜佢有緋聞啦！靚仔至有緋聞o架！（信任佢？）朋友就梗係信任啦，（你哋秘密拍拖四年喎！）好多朋友都識咗好多年，我好細個就上《獎門人》節目，（佢有咩解釋？）冇特別，我哋係朋友嘛，其實睇啲相唔似拖手，係似摸『籮柚』囉，哈哈哈……」
李雪瑩關心港姐
盈盈對嘉樂的緋聞相當看得開，還笑着鼓勵男友若要做靚仔，就要Keep住有緋聞，問她是否因相中女伴外形一般，對自己很有信心，盈盈說：「要有信心個人至會靚o架！（介唔介意佢摸籮？）佢鍾意啦！拍戲係咁啦，劇本要我畀人摸都冇辦法啦！」
此外，應屆港姐「最上鏡小姐」李雪瑩也關心今年面試港姐的質素，知道學歷很高，亦令她想起去年參加時的情況。
文：影視組