樂基兒開畫展禁黎明踩場

樂基兒一連兩日在香港及澳門出席活動，前日在港出席慈善活動，並義務擔任現場的時裝騷形象策劃總監，同場還有張嘉兒、應昌佑及區海倫等。對於早前黎明為慈善划艇籌款，Gaile表示不會效法，她說：「划艇好辛苦，不過佢有運動細胞，尤其係水上活動。」對於早前有報道指黎明不允許她生育，致她不悅暴飲暴食，Gaile笑說：「大家都知道個報道係假o架啦，總之我同佢知道發生乜嘢事就OK啦。」Gaile還笑謂本身自己就不是纖瘦的人，所以平日不會刻意減肥。

冇興趣澳門置業

而昨日Gaile就參加澳門一個活動，現場擺放了四幅她的作品，她說：「呢幾幅畫畫咗幾日，構思時間好快，但就畫得耐咗少少，（Leon有冇畀意見？）冇呀，佢近期都喺大陸拍戲。」她又透露計劃在香港開畫展，問她屆時會否邀請黎明來欣賞？她笑說：「嗰日係我嘅大日子，我好自私，唔想同佢share！」至於問到有沒有興趣在澳門置業？她說：「暫時冇，但澳門發展好迅速，嚟澳門都好方便呀！」

Gaile與黎明何時生Ｂ一直是大家關心的問題。 （資料圖片）

熱愛畫畫的Gaile在現場展出自己的作品。