鄭融昨日現身電台宣傳新碟，最近被踢爆與相識多年的外籍中學同學撻着，鄭融全程冧爆回應，問到男友會否買碟支持？她說：「佢唔識聽中文，我諗佢都會買嘅，音樂無分語言嘛，（出英文碟？）自己對唱同錄英文歌好有信心，睇公司安排，可以開拓美加巿場。」
甜到漏的鄭融透露兩人戀情仍在初階段說：「好彩過咗3個月，未到一年，原因係開始時需要空間，唔係介意公開，但自己係公眾人物，公開會有壓力，而且佢係圈外人，顧及佢工作，希望盡量低調。」至於是否為護愛苗搬入馬灣？她說：「搬咗好耐，畀人知好冇癮，之前游水畀人影都好緊張，一來着住泳衣，但佢（指男友）都好風趣，話要叫記者登之前執佢黑啲，話遲啲先畀人影到會開心啲，同埋影正面有腹肌好啲。」
