阿嬌脹面露半look
【衛紫敏深圳直擊】昨日（18日）是Twins出道十周年的重要日子，阿Sa（蔡卓妍）和阿嬌（鍾欣桐）於深圳舉行「Twins 3650十周年慶典」記者會，公布連串慶祝活動，因剝智慧齒慘變「脹爆面」的阿嬌只得施髮以半look示人。
Twins成立十周年，昨日便有近百歌迷與Twins見證這重要一刻，現場播出Twins十年來的經典歌曲揭開序幕，又播出Twins早前到澳洲拍寫真集的短片及演繹新歌《3650》。
剝智慧齒未消腫
對於經過十個年頭，阿Sa表示：「咁就十年有啲唔相信，覺得好似係尋日發生咁。」面腫腫的阿嬌即自嘲說：「依家嘅樣就好似回到以前（baby fat）一樣。」
原來阿嬌日前剛剝了智慧齒，搞到右邊面連帶頸都腫脹了，為遮半邊「脹爆面」，阿嬌全程用長髮遮掩，就連與阿Sa合照，阿嬌都用手托面十分搞笑。阿嬌說：「因前兩日先有時間去剝牙，隻智慧牙四隻牙腳都歪晒，牙醫連根拔起時拉到我都要o架住條頸，醫生話三日就會退腫，依家都唔痛，但仲未退腫。」阿Sa在旁笑言：「我提議佢左邊面塞綿花，可以balance（平衡）番塊面。」
兩人透露慶祝十周年的活動，除推出國語專輯和寫真集，七、八月會舉行世界巡迴演唱，而八月亦在香港會展舉行一場音樂會。阿Sa稱近來都看回不少以前的MV及相片，更將兩人一張陳年又肥兼駁髮玉照放上微博，阿嬌即投訴說：「可唔可以放張靚啲o架。」
破七百萬人關注
在席上更宣布Twins短短兩周，已在騰訊微博突破七百萬人關注。提到阿Sa曾與騰訊老闆傳緋聞？阿Sa一臉疑惑：「吓，唔知喎，唔講都唔記得有呢個人！（傳騰訊老闆入股華誼兄弟？）我真係唔識佢，唔講我都唔記得件事。」而阿嬌為行善卻與內地藝人在微博發生罵戰？阿嬌指網上很多說話都不負責任，她不會回應。