靚佬湯告魯斯的女兒蘇莉前日與媽咪姬蒂賀姆絲度假玩水，人細鬼大的她甚為貪靚，自行搽太陽油搞到變了花面貓外，還要戴上大帽來防曬。
5歲大的蘇莉前日跟媽媽姬蒂在邁阿密酒店度假戲水，靚佬湯因正在當地準備拍新片《Rock of Ages》未有同享親子樂。穿上桃紅色兩件頭泳衣的蘇莉趣致可愛，她更不用媽咪幫手便親自搽防曬露，但卻塗得很不勻稱，十足花面貓，還做出老積表情，非常鬼馬。反觀近日盛傳懷孕的姬蒂則保守得多，只穿一件頭泳衣，還全程都用大毛巾圍着腰部，只在下水時才脫下，雖然未見她有肚腩，但已令大肚傳聞不脛而走。
兩母女在水中玩得不亦樂乎，姬蒂教女兒不用浮板協助游泳，其泳術看來不錯。兩人上水後坐在沙灘椅曬日光浴兼歎小食，蘇莉更拿了媽咪的闊邊太陽帽遮太陽，認真滋陰。其後姬蒂帶愛女到雪糕店食雪糕消暑，蘇莉在媽媽的銀包裏拿出數張鈔票親自付款。
此外，靚佬湯的《職業特工隊4》邀得《拆彈雄心》男星Jeremy Renner主演，有傳他在下一集會開始淡出，讓Jeremy接棒。不過正在康城電影節宣傳的畢彼特受訪時卻自爆將取代靚佬湯主演《職5》，他回應甚少接拍荷里活大型動作片時笑說：「拍《職業特工隊》唔好唔預我呀！我會拍o架，我唔係咁曲高和寡。」
而男星洛魯受訪時大爆當年和靚佬湯合拍《局外人》，綵排一打架場面時錯誤擊中對方，靚佬湯不甘捱打而還手，兩人幾乎大打出手需由旁人拉開，但洛魯指當年大家也血氣方剛，才如此年少氣盛。
文：外娛組