Jessie Leong停工九月出山

曾是模特兒的Jessie Leong（梁善棋）與丈夫Matthew Marsh昨晚出席Pink新店開幕，她一見記者便大談女兒經，表示九個月大的女兒跟她姓，名為梁雯婓（Megan Marsh），問到BB女似邊個？她說：「似爸爸！（曳唔曳？）唔係好難教，不過佢咁細個已有自己思想，要乜就要乜，say no就會扁嘴！（有冇遺傳你手長腳長？）都有，較一般BB高，六個月70cm，醫生都話係水平線之上。」問到會否追個仔？她表示順其自然，但囡囡都似男仔，鍾意玩。

此外，Jessie又透露近期忙於手袋設計：「停咗九個月再投入工作，因為第一胎緊張，依家諗緊點平衡工作同家庭。（會唔會再行天橋？）唔知，依家都係年輕人行！」