Ana R.慘遭男友偷錢兼捱打

名模Ana R.昨日為《小敗犬‧大作戰》拍攝活動擔任評判，更承認自己是敗犬：「我知道敗犬係解作事業有成但單身嘅女人，所以我一方面好sad，但一方面又好自豪。（是否眼角太高？）其實25歲後揀男友都要睇經濟基礎，之前男友搵錢少過我，大家有好多問題，（你有冇公主病？）我只係要求男友對我好，因為我之前遇過好壞嘅男人，試過打我同偷我錢，我一直都唔敢同人講。」Ana謂很享受現在的敗犬生涯，因為可以和不同的男士約會，十分自由！
Ana R.自言享受做敗犬，可以自由拍散拖。
Ana R.自言享受做敗犬，可以自由拍散拖。

同場的莎莎太子女陳郭詩慧就慶幸自己不是敗犬，並謂第一次聽到「敗犬」一詞。她表示不喜歡「公主病」這詞：「啲男仔話女仔有公主病時，又唔諗吓自己有冇王子病？其實女仔都係想個男朋友當自己好似公主咁錫啫！」

陳郭詩慧為「公主病」一詞平反。
  • 陳郭詩慧為「公主病」一詞平反。