鍾楚紅自爆冇人追：邊有咁易
鍾楚紅（紅姑）雖息影多年，但仍不斷有片商及廣告商向她招手，紅姑笑言十分享受拍攝廣告過程，即使廿四小時不眠不休亦在所不計！目前仍未有復出拍電影打算的紅姑，笑言無論在事業還是愛情方面，都抱着隨緣的心態。
紅姑昨日出席代言品牌reenex「3年不老」記者會，佩戴逾千萬元鑽飾的她顯得明艷照人，問到是否出動私伙鑽飾？她回應：「係sponsor嘅，不過係我自己揀，我鍾意嘅先會戴上身。」現場所見，紅姑顯得有點緊張，她笑言最近忙於出席活動，自己亦享受這忙碌的生活。
問到她會否復出拍戲？她回應：「研究吓。（有冇人搵你斟？）一向都有斟，但係我一向都幾決絕。（點先可以吸引你出山？）冇諗過，隨緣啦！冇拍戲都成十幾廿年。其實我事業嘅時間好短，得十年左右，但係好多謝觀眾冇忘記我，仲咁愛戴我。」
一見到鏡頭就慣
紅姑笑言拍攝廣告的過程很開心，由於此乃自己擅長的工作，亦助她找回自己的位置。她更透露：「嗰日二十四個鐘冇瞓，因為要凌晨三點開工，連續拍咗十幾嗰鐘！（慣唔慣？）我一見到鏡頭就慣。（酬勞好滿意？）都可以。（接好多廣告？）唔太多，因為我都好揀擇。」而問到她有沒有追求者時，她則回應：「梗係冇啦，邊有咁易！」問到她會否抗拒追求者？她則甜甜笑一笑、聳聳肩回應：「唔知呢？」
文：名人組