Twins恃靚硬撼o靚模Body

初出道時Twins曾推出寫真，當年卜卜脆的蔡卓妍（阿Sa）和鍾欣桐（阿嬌）以水着look殺盡一班宅男，今年為慶祝十周年紀念，Twins合體再拍寫真益fans，英皇斥資七位數製作費，並得到北昆士蘭旅遊局協助，一行卅人拉隊到澳洲開恩茲取景。

Sa嬌共帶了十篋行李，每日不停換衫影相，除了到大堡礁、自然保護區、火車站取景外，Twins本想試坐熱氣球升空，可惜因兩女畏高而作罷，改為走入熱氣球內拍攝，營造出夢幻般效果。

Sa、嬌難得合體拍寫真，令一眾宅男fans十分期待。	Iris（右）與師妹林宜芝會以孖妹姿態出寫真。	Twins到澳洲開恩茲取景拍寫真，以靚人靚景做賣點。

出碟搞音樂會

Twins寫真將於7月推出殺入書展，無懼與o靚模對撼爭戰場，英皇發言人指大家路線不同，Twins為慶祝十周年出寫真會粉絲，沒想過要對撼，至於會否在書展搞簽名會則未知。除推出寫真，Twins還會出國語碟，並請了Lady GaGa的御用班底拍MV，8月則搞音樂會，目前Twins正與古巨基、吳卓羲等忙拍大陸劇《歡樂元帥》。

未戰竟先認輸

對於Twins加入寫真戰，o靚模「嫩版范冰冰」何佩瑜（Jeana）未戰先認輸：「佢哋係神枱位，我哋呢啲蟻民真係冇啖好食，希望天神們畀條生路我行吓。」趙碩之則歡迎Twins加入，「百果園咪神」陳靜和冬甩的胡心諾（Rainbow）就揚言大家路線不同，不擔心影響銷量。

至於陳靜師妹「爆E超蓮」鍾采羲（Iris、前名：鍾永慧）與小師妹林宜芝（Monna）亦以孖妹姿態在書展推出寫真，她們不怕受Twins的十周年寫真影響，Monna說：「佢哋係前輩，大家位置唔同，對我哋影響唔大。（點力撼？）我哋身形唔錯，佢哋就唱歌路線，冇話啲咩對唔對撼。」

文：音樂組