G.E.M.收宥情短訊冧爆

G.E.M.前晚完成一連三場的紅館演唱會，尾場施展渾身解數，全晚又唱又跳非常有活力。期間她提到被經理人張丹提攜時一度哭成淚人。她說：「呢間公司唔會縱容我，反而適當時候會鬧我，帶領我向前行，我真係好多謝你阿Tan（張丹）！」

預留座位給婆婆

當G.E.M.邊喊邊講要感激另一個人時，全場立即大叫「林宥嘉」，她好像聽不到然後說：「可惜佢三個幾月前離開咗我！」立即令全場爆笑。她表示第二場特別預留位置給剛離世的婆婆，當她自彈自唱《You Raise Me Up》時更多次哽咽。之後G.E.M.被升上十呎高台時顯得腳震震，換上長裙後又一度被裙腳絆倒，但仍無損歌迷熱情，最後G.E.M.兩度安哥才圓滿結束。

林宥嘉	G.E.M.自摸演出冇尷尬。

反應熱烈擬加開

完騷後，G.E.M.於尖沙咀一間酒店舉行慶功宴。記者笑她沒有為林宥嘉預留位置，她即冧爆說：「冇喎，咁婆婆係家人嚟吖嘛，佢梗係唔係我家人啦！（點解唔嚟睇？）我唔知喎，你問佢啦！（有冇收短訊？）紅館入面電話收唔到訊號，咪收咗個花籃囉！（短訊都冇個？）好多朋友都有send短訊畀我，佢係其中一個！（寫咩？）咪同個花籃一樣，淨係識得叫我加油囉！」她坦言今次反應熱烈，公司已向紅館申請舉辦Part 2演唱會，希望今年內成事，但未知會否有適合的檔期。

身材不俗的G.E.M.「托胸」演出，更有睇頭。

G.E.M.在台上多謝經理人一直提攜，邊說邊喊。

文：音樂組