周家蔚難忘天明跪地糕招
周家蔚、洪天明早已是公開的一對，原來二人三年前在馬爾代夫度假時已訂婚，天明使出跪地及蛋糕攻勢，令家蔚十分感動，但家蔚表示婚事隨天意安排，七月在馬爾代夫結婚的成數只有一半。
家蔚、天明經常被追問婚期，有說二人今年七月在馬爾代夫舉行婚禮，家蔚昨日表示只是初步構思，未有定案：「如果真係喺馬爾代夫結婚，最重要睇啲親友有冇時間出席，我想我媽咪、啲好朋友都可以嚟同我分享。」
大批親友見證
家蔚自爆其實早在○八年八月，她與天明、天明家人及一班好友到馬爾代夫度假時，在眾人見證下，成為天明的未婚妻，她說：「嗰次旅行係慶祝我生日，行程最後一晚，天明攞住個蛋糕出嚟，明明之前食咗慶祝咗，覺得好奇怪，原來蛋糕上面有隻戒指，佢突然跪低向我求婚，我即刻感動到喊，應承咗佢，佢承諾三年後娶我。」當日天明爸爸洪金寶，繼母高麗虹、曾志偉、湯盈盈、梁靖琪等好友都齊齊見證這樁喜事。
七月未必結婚
三年過後，天明欲兌現承諾，有意七月在馬爾代夫舉行婚禮，不過家蔚不急於結婚：「七月喺馬爾代夫結婚嘅成數只係一半，我都唔急，因為個天已安排我認識天明，又安排咗上次嘅驚喜訂婚，所以天明幾時娶我，自有個天去安排。」
文：影視組