超儀半粒鐘袋50萬
賭王愛女何超儀早前到內地掘金，據知她出席半小時活動已淨袋五十萬人民幣，即一分鐘袋萬六蚊！租賃公司還承諾超儀返內地工作包有靚車坐，但超儀卻棄靚車寧要實用大型工作車，一切都以工作為先，果然襟撈。
超儀早前忙於為舞台劇《情話紫釵》作內地巡迴演出，以及為嚴浩新戲《百年浮城》開工，但期間伊人仍可「攝期」搵外快。
看中流動私家廁
日前，超儀便到濟南出席內地一間租賃公司宣傳活動，該公司還展出多部旗下靚車，據知，何超儀今次撐場，酬金高達人民幣五十萬元，由於超儀只在活動上逗留約半小時，屈指一算，伊人一分鐘便袋萬六蚊，認真和味！由於雙方合作愉快，租賃公司還向超儀承諾，若她到內地工作，可包靚車出入，出席活動當日更讓超儀揀選心水靚車，雖然租賃公司安排超儀試坐多款靚靚跑車，但超儀最終亦沒有揀中，反而選了一部大型工作車，內裏有廁所、梳化床，令自己工作更方便。
煙台櫻桃作手信
對於租賃公司出價如此好，超儀表示：「總之滿意價啦！我都好欣賞呢間公司嘅老闆，佢好有生意頭腦。」此外，首次到山東濟南的超儀，大讚當地規劃好，原本她最想試試魯菜，但可惜不夠時間，最終只能在機場匆匆買了一盒三百多元的煙台櫻桃作手信。
文：影視組