Vivian上網尋親 緣來周慧豹

【張嘉敏澳門直擊】周慧敏（Vivian）、古巨基（基仔）、模特兒陳沛嘉、呂慧儀、謝婷婷、馬浚偉、周柏豪、楊愛瑾等昨出席「澳門銀河™」綜合渡假城開幕酒會，Vivian與基仔老友鬼鬼，笑言兩人同行感覺好似同細佬去旅行一樣，當晚晚宴他們又會同台表演。Vivian形容與基仔非常合拍，是一凹一凸的絕配，她個性性急，而基仔則滋油淡定又細心，有基仔在她身邊感覺特別有安全感，她說：「佢會問我打咗底未，好cute，（咁佢同佢另一半係咪都係絕配？）唔敢亂講，唔識答，不過相信佢嘅眼光。」

斥冷血虐貓事件

Vivian說有留意近日的虐貓事件，對於冷血行為，忍不住流淚，並為貓兒祈禱。她說：「未來我屋企會有三隻貓加入，老公網上搵到同豹貓有血緣關係嘅，搵咗好耐，豹貓走嗰日2月2日，咁啱有隻貓同日出世，相信係安排，7月會到，到時會喺官網公布佢哋個名。」

「豹妹」謝婷婷性感上陣。

呂慧儀（左）和陳沛嘉以紅綠雙嬌姿態現身，十分搶鏡。

呂慧儀預告性感

另外，陳沛嘉和呂慧儀以一綠一紅造型出現，其中以陳沛嘉deep V稍勝呂慧儀，兩人卻互笠高帽，呂慧儀說：「唔夠佢嚟，佢係我師姐。」而陳沛嘉則讚呂慧儀是性感icon，對於出席港男的戰衣，呂慧儀故作神秘，笑言會較上年更勝一籌，但一定不會走光。

浸大E神楊梓瑤雖真空上陣，但明顯消瘦的她，已跌穿97磅，上圍亦降了級，她解釋是早前因病及應付考試所致，但朋友都誤會她刻意減肥或甚至以為她患上厭食症。