莫少聰尋子：爸爸好掛住你
洪欣00年為莫少聰誕下兒子莫鎬廉（已改名張浩鋒），直至08年中莫少聰才承認是孩子的爸爸；昨日莫少聰接受電台訪問，自爆九年沒見過兒子，高呼十分掛念兒子，可惜洪欣堅拒兒子跟他見面。她說：「唔想任何人改變我哋生活！」
昨日莫少聰接受車淑梅主持的《舊日的足跡》訪問，重新講述一次在北京涉嫌吸毒被捕的過程，但當主持問他可有關心自己的兒子？莫少聰被突如其來的問題窒一窒說：「呢個係一個問題，係緣分，總有一日會重聚！」
道出分手原因
對於早年接受傳媒訪問時講過未有對舊女友及兒子負上責任，莫少聰說：「點會唔想負責任？係溝通上有問題，點樣都係自己骨肉，點會唔想見？當中有其他人未必知嘅事，只有我同佢（洪欣）先知，如果有橋樑會好啲！」
由於洪欣已下嫁年輕自己十一年的內地演員張丹峰，就連兒子莫鎬廉亦跟隨後父姓改名張浩鋒，莫少聰表示不想多提影響對方及其家庭。期間他更提及和洪欣的分手原因：「每個人都有佢個性，我又有我個性，大家太有個性咪走唔埋一齊囉！」
莫少聰透露九年來只有從報章的相片中看到兒子，他說：「依家十歲，佢開心就OK，好想帶佢周圍玩，當然想補償佢嘅一切！（最想同個仔講咩？）爸爸好掛住你！」
父親節將到，莫少聰稱兒子不在自己身邊感到失落，他說：「呢件事唔可以話你錯、我錯，但大家可能都要攞啲時間，攞個心出嚟去做，我冇諗過點同佢（洪欣）溝通，人哋依家生活得咁好，點解要畀啲問題佢呢！」
洪欣激動回應
雖然跟舊愛及兒子失去聯絡，但莫少聰現時亦有一要好女友，更已去到談婚論嫁階段，他說：「經過咁多事都渴望有個家庭，依家個女朋友比較淳樸！」
記者致電身在內地工作的洪欣，她聽罷記者覆述莫少聰的訪問內容後，語帶激動表示：「從來冇發生任何嘢，都唔係我親耳聽，我哋一家三口過得好幸福，唔想任何人改變我哋生活！」洪欣更自爆兒子因莫少聰的吸毒新聞感到十分不開心及煩惱，故不想再勾起兒子的傷心事。
文：音樂組