Alice B.王友良有過夜冇同居
昨日有報道指「日本通」王友良（Ivan）與「第四代Canon女」Alice B.拍拖兼同居，Ivan接受電話訪問時坦言：「未係拍拖住。（同居？）係咩唔係啩？未睇過報道，冇同居，係好朋友。（對佢印象點？）大家好傾得埋，佢個人好爽，唔似二十歲，思想好成熟，佢好鍾意日本音樂，大家好投契。（你鍾意佢乜？）大家係好朋友，唔好諗多。（有冇發展機會？）冇人知。」
至於Alice B.經理人就指二人相識已久：「當時Ivan搞賑災，Alice都有幫手，以我所知當日Ivan去佢屋企玩，係有過夜，仲一齊食早餐，佢哋係朋友。（同居？）假，冇同居，Alice向來一個人住。」
