徐淑敏懷胎4月自爆佗女
徐淑敏（Suki）去年誕下女兒黃心瑤，揚言會繼續生的她，果然極速再有喜，已懷孕四個多月，更自爆腹中塊肉應是女孩。黃浩又踢爆老婆懷孕後可食三人分量的食物。
Suki與黃浩結婚只是短短一年零三個月便兩度有喜！她今年一月證實懷孕，至今已懷孕四個多月。記者致電徐淑敏與黃浩，兩人大方承認喜訊，更透露胎兒應是女孩。
食足三人分量
問Suki今胎佗得是否辛苦？她表示：「因為上次佗住心瑤又要搞婚事嘅嘢，所以個人會忟憎啲，變相今次佗得比較舒服。」黃浩還笑指徐淑敏自懷胎後，即變「大食妹」，遇到自己喜歡的食物，絕對可以食三人分量！
懷胎速度比「三年抱兩」的時間還要快，黃浩果然行動迅速，問黃浩會否送禮物獎勵老婆如此有效率？他表示：「佢平時鍾意啲乜嘢，我可以送畀佢嘅，都全部送咗，唔需要特別再送。」
唔使老公送禮
徐淑敏則揚言為老公生兒育女乃女性本分，所以不會要求老公送甚麼禮物，至於大女黃心瑤知不知道自己即將做家姐？徐淑敏表示：「佢知道呀，每晚我都會叫佢錫啖妹妹，（改咗名未？）我諗緊英文名，中文名就交畀師傅改，因為之前我哋用咗一家三口嘅英文名頭一個字，投咗個車牌『SKV』，依家多咗個小朋友，所以英文名我都打算用番Ｖ字頭，等細女唔好呷醋。（會唔會再追個仔？）應承咗老公同老爺，一定會！」
至於黃浩父親上月離世，如今雖然紅白相沖，但黃浩坦言至親百無禁忌，所以徐淑敏都會照做一切事宜，不會避忌。
文：影視組