阿佘遇強襲煲粥定驚

佘詩曼（阿佘）最近正忙於拍攝葉念琛新片《人約離婚後》，前晚在九龍城某生果店開夜班，戲中阿佘要擺出一副「酷爆」表情，看着狄易達與C AllStar成員「on仔」爭蔡穎恩，但拍攝期間，忽然出現「飛天小強」（飛曱甴），嚇到阿佘花容失色，飛奔入生果舖內。

斥責全屬謠言

當導演葉念琛耐心指導狄易達及on仔的演技時，等埋位的阿佘就煲電話粥自娛，一煲便煲了一小時，相當好傾。

在等埋位時，阿佘要煲粥一小時定驚。

當遇上「飛天小強」，阿佘與蔡穎恩嚇得四散。

此外，早前有指阿佘獲內地富商新歡Tony力追，昨更有指對方乃有婦之夫，阿佘介入兩人之婚姻，對此，她昨與兩位當事人Tony以及Tony太太聯合發聲明，三方簽署並指摘報道全屬惡意謠言，阿佘接受電話訪問表示：「我同Tony識咗好耐，只係普通朋友，（你好惹緋聞喎？）每一次都講到好似真咁，我覺得今次有需要行出嚟，因為傷害性好大，唔可以過咗去就算，今次影響三方面嘅聲譽，令我好唔開心，（同Tony太太識唔識？）本來唔識，今次報道之後做咗朋友，（Tony係咪會離婚？）呢個我唔清楚。」

文：影視組