趙碩之谷到盡峰捲亞洲
「寫真始祖」趙碩之（Wylie）相隔三年再出寫真，更遠赴上海取景拍攝。為求吸引宅男，她谷盡34D「岩石胸」大玩內衣誘惑。寫真集除了在香港發售，Wylie亦會到內地、馬來西亞及新加坡等地搞巡迴簽名會，玩轉全亞洲！
Wylie三年前推出寫真賺個滿堂紅，今年決定再接再厲，落重本到上海拍攝。她穿上多套性感高貴晚裝及歐陸式內衣，谷盡其34D岩石胸，性感尺度遠超其首本寫真。
衣衫單薄凍到震
她透露在上海拍攝了五日，但夾埋只睡了八小時。由於當地氣溫只有攝氏約三度，衣衫單薄的她更不時凍到騰騰震。
Wylie指寫真集會於書展推出，已預料被書展禁搞簽名會，故會另覓場地與粉絲見面。在內地有不少粉絲的Wylie，更會到內地主要城市搞簽名會，而其他多華人聚居的亞洲國家如馬來西亞及新加坡等，亦有可能列入巡迴簽名會路線中。
經理人戴夢夢表示考慮隨寫真送潮物，或會開設Wylie的自家品牌：「如果Wylie有興趣都會叫佢幫手設計，呢個品牌唔只配合寫真先出潮物，希望寫真完咗都可以繼續做落去。」
文：專案組